خربشات 5

السلام عليكم

كيفكم؟

حاس نفسي ملخبط

ودي أكتب و في نفس الوقت ما ابغي اكتب

هذي المره الخامسه اللي ادخل فيها عشان اكتب بس يضيع الكلام و اطلع

----------------------------------

خلال الأسبوع الماضي

انصدمت كيف في ناس الغدر عندها مثل شرب الماي

كيف تهون عليهم يبيعون عشرة العمر عشان نزوه

كيف يكسرون في اللي قدامهم مع انهم يعرفون انهم غلطانين بس يتكبرون

كيف ممكن الواحد يتخلى عن كل اللي حواليه و يسحب عليهم 

و فالنهايه يحاول يطلع نفسه المظلوم و المسكين

و انه اللي حواليه مو مهتمين

ما أقول غير حسبي الله و نعم الوكيل

" و الله دنيا تعلم اللي بعد ما تعلم " بنت امرشا

---------------------------------

مرت علي أيام كثيره كنت أحس فيها اني لوحدي

وحيد و مالي حد في دنيتي غير ربي

بس مع مرور الأيام اكتشفت انه في أمل

و صارلي أكثر من شخص يهموني و أهمهم

و الأهم انهم يحبوني و أنا أحبهم بلا قيود

فالله يخليهم لي و لا يحرمني منهم

و للي حاسين بالوحده افتحوا عيونكم 

و بتنصدمون بعدد الناس اللي مهتمين فيكم

---------------------------------

من أجمل ما قيل لي الأسبوع الماضي

" انته عيونك صادقه تحكي عن اللي بداخلك"

شكراً للي قالي هالكلام حسستني اني كما أنا 

لم أتغير و ما زلت على صدقي و طيبتي

و انه مهما فعل فيني الزمن 

بتبقى عيوني صادقه و تحكي عن اللي داخلي

فشكراً لك

--------------------------------

Mr.H

بعدني على كلمتي و البوست الجاي بيكون كله عنك

عسى أوفيك قليل من حقك

^_^

--------------------------------

أعرف البوست ما فيه فكره محدده

بس هذي خربشاتي

مع حبي

نادر

ليت كل من راح... راح

يا حبيبي وينـــك انت و وين انا
يا حبيبي رحت عني و ضعت انا
حتى عن نفـسي انا
وينك انت ... وين انا


يا حبيبي .. كـــــــل شي فيني اختـــــــــلف
اللي يدري .. و اللي مــــــا يــــــــدري عرف
و اللي كان يقول ما في حب .. بالحب اعترف

انطـــــــفت فيني الامـــــــاني و الشباب
عــــــود محني مال مع ريــــــــح الغياب
و آه لو يسمع صداها طفل .. و الله شـاب


يا حبيبي ليت كـــــــــــل من راح ... راح
خذ معاه الشـــــوق ريح و اســـــــــتراح
ما ترك غيره يهده الهم .. و تبنيه الجراح

مع حبي

نادر

بوح الموسيقى-1

hi

how r u all?

thanx to someone special i'm feeling so much better today

and i decided to stay the same and if the world doesn't like it i don't care.

i really have nothing to say so,

here r some songs that i'm in love with these days

1- Helm By Hiba Tawaji

2- one of the greatest songs Carol Samaha ever sing

     we7yatak 9'allak elly

3- Gone By Jennifer Hudson

4- Sha5s yehtam By Asala 

5- Ma byeste7o By Ziad Borji

6- Eh Fi Amal By Fairuz 

hope u like the songs

NADER

يجي يوم...

السلام عليكم و رحمة الله و بركاته

قررت اني أعيش الفتره القادمه بدون قلبي و ان كان هذا شي صعب

و لكن نصحني شخص غالي بأني أخلي قلبي لنفسي و أتركه تحت مخدتي

أطمن عليه قبل ما أنام و أول ما أصحى و أعيش حياتي بعقلي 

تعبت أكون الوحيد اللي يسأل 

تعبت أكون الوحيد اللي يحاتي 

تعبت أكون الوحيد اللي يطنش جروحه

تعبت أعيش و أنا أتوقع انه الكل بيعاملني مثل ما أعامله

قررت اني أعيشها من غير قلب ممكن أرتاح

**********

الى كـ....

أنا مسامحك لأن الغلط مو منك العكس مني أنا و قلبي 

و أتمنى انه اللي صار ما يخرب شي في علاقتنا

لأنه وجودك في حياتي مهم بشكل ما تتصوره

و اللي يلقى مثلك صعب يكمل حياته بدونك

صحيح اعرفك من فتره قصيره و لكنك غيرت حياتي بشكل ايجابي

و يا ريتك تنسى اللي صار و لا كأنه حصل

***********

يجي يوم ...

و أشيل من قلبي الحزن

و أغفى على صدرك

يجي يوم...

الخطوة تاخذني بعشق

و أبوس يدك

يجي يوم ..

مشتاق أرجلك صبي

و أحبي على حضنك حبي

يا بسمله بوجه الصبح تنقال

يا نبع من طيب و وفا... أمي

تعبت التعب منك ما كنتي تتعبي

يا صابره ما بيوم كنتي تشتكي

يا أم الفرح و الضحكه ع وجهك صبح

من غربتي راجع أنا لا تعتبي

لا اضوي أصابيعي شمع

و أشيل من عيونك الدمع

و أبوس ايديك بعشق.. أمي

يجي يوم...

سلامتك يا أمي و ما تشوفين شر

و الله يخليك تاج على راسي ليوم الدين

طلبت اللي يقرا هالبوست يدعي لأمي 

الله يخليلكم أمهاتكم يا رب

************

مع حبي

نادر

المعاناة

مساء الخير

شلونكم؟ 

أدري قطعت فتره طويله و السبب اني كنت مسافر اغير جو بعد الكآبه اللي كنت عايش فيها

السفره كانت حلوه و خففت همي بس أول ما رجعت حسيت بالهم كله رجع مكانه مثل أول و زاد هم جديد

اشتقت لناس و كنت طول السفر احاتيهم و ادري انهم زعلانين مني لأني مو متواصل معهم

و اول ما وصلت حبيت اطمنهم و لكن انصدمت بردهم بس أدري هذا حال الدنيا

و جد بعد رجوعي حسيت بكل اللي حواليي متغيرين بشكل كبير و قاعد أحاول اتأقلم مع هذي التغييرات 

صراحةً ما أدري شو أقول لأنه في كلام وايد بخاطري ابي اقوله بس مو راضي يطلع

عموماً أتوقع اني بوقف تدوين فالفتره المقبلة  الى أجل غير مسمى

و أترككم في النهايه مع الأغنيه اللي ما فارقت بالي من فتره طويله

الأغنيه \ المعاناة

غناء \ محمد عبده

الكلمات

ياليل خبرني عن أمر المعاناة

هي من صميم الذات ولاأجنبية

هي هاجس يسهر عيوني ولا ابات
او خفقة تجمح بقلبي عصيه

هي صرخة تمردت فوق الاصوات
أو ونة وسط الضماير خفيه

أو عبرة تعلقت بين نظرات
أو الدموع اللي تسابق هميه

أعاني الساعه واعاني مسافات
وأعاني رياح الزمان العتيه

وأصور معاناتي حروف وابيات
يلقابها راعي الولع جاذبية

ولاني بندمان على كل مافات
أخذت من حلو الزمان ورديه

هذي حياتي عشتها كيف ماجات
آخذ من أيامي وارد العطيه

و للي يبي يسمعها

مع حبي

نادر