مساء الخير
هالفتره صاير افكر كثير بصداقاتي
حاس انها تغيرت وايد صداقات جد و صداقات راحت
و صداقات ما زالت بس بعضها تغير
هالفتره صاير ما ابي اتعرف على أحد
و وايد اتصرف بحقاره مع اللي متعرف عليهم من جديد
مزاجي صاير يتقلب كثير احياناً ابي اوسع محيطي و صداقاتي
و أغلب الأحيان ودي أصغر محيطي و أقطع أكثر صداقاتي
أمس رحت أتفرج على فيلم
something borrowed
و كثير حبيت الفيلم و خلاني أفكر وايد
هل ممكن انه الانسان يبيع صداقاته عشان الحب؟؟
و شو هي الصداقه الحقيقه بالضبط؟
و هل القدره على المسامحه تعتمد على عمق الصداقه؟!!
كثير فكرت و مازلت
بس مالقيت جواب
و انا بالأساس ما ابحث عن جواب
هي مجرد اسأله تمر ببالي
و توسع مداركي
*******************************************************
وين أبتدي من وين من وين من وين ؟؟!!
وين أبتدي ضاقت علي وسع الآفاق ..
فيني حزن غزه ودمعة فلسطين ..
فيني حزن بغداد وهموم العراق
كأن الحزن يكتب صدري دواوين
دمي حبر وأحلام عمري لها أوراق
أخفي همومي عن عيون المعادين
وأنا وهمي كل ساعه لنا عناق
يا أرق والطف من زهور البساتين
ياكيف تظلم وأنت للعدل ميثاق
حكمك عذاب ولزمن الف سكين
سجنك ظلام وكل بيبانه اغلاق
مقبول حكمك فوق هالراس والعين
قدام عينك موت حبي والاشواق
لا تقتلون الحلم اللي عايش سنين
من صغر سني ارسمه ليل مالاق
جيتوا وحطمتوا الاماني وراضين
جيتو واخذتو ثمرة الحلم واوراق
واللي تسمع راي من ناس وواشين
مثل الذي يسعى على قطع الارزاق
مظلمك يا وقتي ظلم القريبين
حنا بزمن حتى الحلم صار ينباق
***********************************************
مع حبي
نادر
السلام عليكم نادر .. شخبارك ياخي ؟؟
ردحذفانا آسف ما رديت على مسجك .. والله اني انقهر .. رصيدي يخلص دوم .. يتم بس بدقايق .. وانت عاد تفهم الوضع ..
وعلى فكره وين الرقم ما خذت لي خخخخ .. لا اسولف خبرت اخوي .. وللحين اخوي ما تفيج لي ويطلع لي رقم صج صج مالت ..
لا تبتدي من اي مكان .. كل شي راح يبتدي روحه .. ولا تحرمنا من اخبارك .. وسموحه على القصور .. من اعبي رصيد بطرش لك مسجات
تحيااااتي لك
حي الله تركووووز
ردحذفمنور و الله
لا عادي ادري بك دامك تحب من وين الرصيد
و عن الرقم تصدق اني للحين ادور و مالقيتلك شي زين
مشكور على كومينتك الحلو شراتك