اشتاق لجراحه...رحل

مساء الخير

نقابل ناس في دنيتنا و نعيش وياها أحلى الايام

نعطيها من حبنا و وفاءنا

نسقيهم الهنا بأيادينا

نرسم بوجودنا ابتسامتهم

نشيل همومهم عنهم عشان يعيشون مرتاحين

و لكن للأسف

يرحـــــلـــون

أنا كان عندي صاحب كبرت معاه

و نضجت معاه

عطيته أحلى سنين عمري (إلى الآن لأن القادم أكيد أحسن)

عطيته قلبي بيديه

وثقت فيه و دخلته بيتي و حطيته بمنزلة أخواني

و هو سوا معاي نفس الشي

عطاني من اللي عنده و سقاني من أخوته و حنانه

وثق فيني و حسسني اني من أهم الناس بحياته

و لكن بعد ما يقارب عقد من الزمان

نساني و نسى كل اللي كان بينا

عطاني أكبر قفا

نسى كل شي و صحاني على حقيقة واقعي

على قسوة دنيتي

و لكن انكساري كان للحظات

تيقنت فيها انه هو اللي بيتعب في دنياه بعدي

و هو اللي بيشقى عشان يلقى مثلي بس هيهات

و ما أقول الا الله يحفظلي صاحبي و أخوي و رفيق الدرب ( حمد ) 

مر معاي بنفس الرحله مع ذاك الانسان اللي اعتبرته في يوم أخوي

بس هذا حال الدنيا و أنا راضي بنصيبي 

و اللي يبيعني هو الخسران 

========================

في نهاية البوست هذي اغنية من روائع أصالة و اسمها رحل

الكلمات:

رحل إشتاق لجراحـه رحـل

رحل إشتاق لجراحي رحـل

يحق له .. طيبتـي ماتحتمـل

قليلـه فـي وقـت الهـمـوم

ما كنـت أعاتـب أو ألـوم

يحق له مايحتمل هـذا الملـل

أسدلـت أيـامـي لعـنـاده

حبيته فـي قربـه وبعـاده

متعبـة هــذي السـعـادة

رحــــــــــــل

اللي حصل .. كيـف أفهمـه

واللـي رحـل مـن علمـه

من علمـه يهجـر إذا غطـى الـفـرح كــل الـزوايـا

من علمـه يغـدر إذا صـار الوفـاء نـبـض وحنـايـا

مـــــن عـلــمــه يـتـلاعـب بـروحــي

مــن علـمـه يـمـشـي عــلــى جــروحــي

مـن علمـه يقـتـل فــي أيــامــي الأمــــل

من علم اللي إشتاق لجراحه و رحل

أقسى مـا فـي اللـي بيجـي

ما هو العذاب اللـي ابتـدى

والَا الصدى اللي خذا مني نداي

والَا غروبـك عـن سمـاي

أقسى مـا فـي اللـي بيجـي

كـل الحـكـي والأسئـلـة

متـى رحـل .. ليـه رحـل

و الَا تعـابـيـر الأســـى علـى الوجـوه الصامـتـة

و الَا الـعـيـون الشـامـتـة

و الَا العـذول اللـي يـقـول

اللي حصـل ماهـو غريـب

واللى يقول ماكـان يستاهـل يـكـون أغـلـى حبـيـب

أقسى مـا فـي اللـي بيجـي إني أقــول

هـذا كـل اللـي حـصـل

رحــــــــــــل

و أخيراً..... التمرد

مساء الخير

في الشارع يقولولي انته متين 

طيب اعرف ما جبتوا شي جديد

ارجع البيت يقابلوني أهلي بسؤالهم المعتاد متى بتضعف؟؟!!

اروح غرفتي امسك جسمي و اشده اشوف كمية الشحم اتقزز تنزل دمعه ترثي الحال

امسحها و كأنها لم تنزل و انام على سريري 

اصحى و اتصل بصديقي 

يا فلان ابي اشوفك... و يتم الاتفاق

نطلع بالسياره نتمشى 

اقوله يا فلان نفسي احب و انحب 

يقولي لازم تضعف و ساعتها بيجونك مثل النمل لأنه عيبك الوحيد متنك

ابتسم و أرجع بالذاكره للوراء أدور سبب للحاله اللي انا وصلتها

و فجأه عرفت...

لما كنت أصغر و أنحف

تحرش فيني راعي الدكان الحقير 

و لما ركبت تاكسي مد يده و اشبع شهواته الدنيئه

لما كبرت شوي و متنت حبتين 

لاحظت انه راعي الدكان ما قام يمد يده كثير

بس بين فتره و فتره كل ما ركبت تاكسي يجي يمد يده و انا ساكت

لا جظت اني كل ما أسمن اشوف هذولا المرضى ينقصون

كل اللي كانوا يتغذون من برائتي بدأوا يسقطون واحد تلو الآخر

لا شعورياً لقيت الحل في السمنه

و ضليت آكل الى ان وصلت الى ما انا عليه الحين

لما اتذكر كل اللي صار 

ابتسم لصاحبي في السياره و اقوله ان شاء الله

اذكر الدمعه اللي نزلت بالغرفه و اغمزلها

و انا في داخلي اعرف انه مثلها بينزل المئات 

و لكن ان تنزل هذي الدمعات اهون عندي الف مره من كائنات حقيره  تآكل فيني و بثقتي بنفسي

نعم انا متين و حالتي الصحيه في خطر و لكن..

من يضمنلي انه لما انحف كل هالمرضى اللي حوالينا بيروحون

كل اللي نهشوا في لحمي بيختفون

للأسف أفضل اني اموت الف مره و لا ارجع للي كنت فيه

و لكـــــــــــــن

بما أني داخل على سنة جديده 

سنه قررت انه شعارها الحرية و التمرد

قررت اني اكسر الحاجز و أعمل عملية تحويل معده

نعم

هؤلاء أحقر من أن أضيع صحتي لأجلهم 

 قررت اني اهتم بنفسي و اتمرد على ضعفي و اقف بوجه كل اللي يفكر انه يمد يده علي مره ثانيه

قررت اعيش حياتي بحريه و بدون الثقل اللي شايله معي

اتمنالكم سنه كلها حريه و تمرد على كل ما قيدكم و حد من حريتكم

تحياتي لكم...

I look 2 U

السلام عليكم

أعتذر على القطعه الطويله

بس الدراسه ماخذه كل وقتي

*****************

و هذي أغنية أعشقها و تعبر عني و عن حالتي بهالأيام:

Artist: Whitney Houston

Song Title: I Look to You

As I lay me down,

heaven hear me now.

I'm lost without a cause

after giving it my all.

Winter storms have come

and darkened my sun.

After all that I've been through

Who on earth can I turn to?

I look to you.

I look to you.

After all my strength is gone,

in you I can be strong

I look to you.

I look to you.

And when melodies are gone,

in you I hear a song.

I look to you.

About to lose my breathe,

there's no more fighting left,

Sinking to rise no more,

searching for that open door.

And every road that I've taken

lead to my regret.

And I don't know if I'm going to make it.

Nothing to do but lift my head

I look to you.

I look to you.

After all my strength is gone,

in you I can be strong

I look to you.

I look to you.

And when melodies are gone,

in you I hear a song.

I look to you.

My levees are broken

My walls have come

tumbling down on me

The rain is falling.

Defeat is calling.

I need you to set me free.

Take me far away from the battle.

I need you.

Shine on me.

I look to you.

I look to you.

After all my strength is gone,

in you I can be strong

I look to you.

I look to you.

And when melodies are gone,

in you I hear a song.

I look to you. 

بوح الأفلام - 1

هذا الملخّص غير متوفِّر. يُرجى النقر هنا لعرض المشاركة.

ليلة عمر

مرحبا

كيفكم؟

كل عام و انتوا بخير  و صحة و سلامه

********

ليلة عمر ماهي مثل باقي الليالي ..

ليلة تفوق الوصف وتفوق الخيال .. 

تشبه على حلم من احلام السنين

بيها الفرح غنى بمواله وقال

ياليل في كل يوم فرحتنا تزيد

ليلة عمر ..

ليلة عمر ماهي مثل باقي الليالي ..

*********

البارحه كانت ليله من أحلى ليالي عمري

لسبب بسيط 

انه أمس حققت حلم من أحلامي

و شطبت أمنيه من الـBUCKET LIST

و أمنيتي كانت ان احضر حفله لهذا الانسان

دايم السيف\ محمد عبده

كانت ليله مافي أحلى منها غير الليله اللي حضرت فيها فيروز

و من مدونتي أشكر صاحبي اللي عزمني على الحفله

و عملها مفاجأه لي

و بصراحه كانت أجمل عيديه و أجمل عيد

و ودي لو كل اللي أحبهم كانوا موجودين

بس ما كل ما يتمناه المرء يدركه

تحياتي لكم 

و كل سنه و انتم طيبين

خربشات 2

مساء الخير

هالأسبوع مضغوط بش كل كبير لأنه الامتحانات بدت بالجامعه

و الله حاس اني عايش بدوامه

بس يالله اسبوع و نخلص بعدها اجازه

على طاري الاجازه

*********

كل عام و انتوا بألف خير بمناسبة عيد الاضحى المبارك 

*********

الجو هالأيام صاير روعه و يخبل

بس أنا فيني اكتئاب حاس اني ما ابي اشوف حد و لا حد يشوفني

و ابي اقعد فالبيت اطالع السقف و لا اسوي شي 

بس ان شاء الله ربنا يطلعني من هالحاله الكريهه

احسه اكتئاب الشتاء بس جاي مبكر بعدنا ما شتينا

*********

حاليأ قاعد أقرا كتاب الحب الممنوع  لبراين ويتاكر

الكتاب رائع و يستحق القراءه

خاصه للمثليين اللي مش متقبلين حقيقتهم

أنا اشتريت الكتاب من معرض الكتاب

أول ما شفته انصدمت انه كتاب مثل هذا معروض للبيع عندنا بالامارات

وقفت قدامه اطالع العنوان و الغلاف

قلت لنفسي لازم اشتريه

بس ترددت لوهله 

خفت شو بيقول اللي بيشوفني ماسك الكتاب او اشتري الكتاب

بس بعد ثواني من التردد

مسكت الكتاب و سألت البايع كم سعره و أخذته و أنا حاس بشعور مثل الفخر

استانست اني لأول مره من فتره طويله ما اهتم برأي الناس فيني

و اني قدرت أقول للمدمر بداخلي كفاك دمار في شخصيتي

و انا سعيد بما أنا عليه و ما يهمني رأي الناس فيني 

*******

هذا كل ما عندي 

CIAO 

خربشات

السلام عليكم...

كيفكم؟ ان شاء الله بخير..

صارلي فتره ما كتبت..

بس أهم شي اني رجعت كتبت..

صراحة ما عندي شي أتكلم فيه

بس الجو يخلي الواحد يمسك ورقه و قلم (لابتوب و كيبورد) و يشخبط

فإذا حسيت انه ما في ترابط فالأفكار عادي مشي

بكره عندي امتحان صراحه مرعوب و مو واثق من دراستي مع اني درست الماده الف مره <<< أكره هالشعور

غير الامتحان اللي امتحنته اليوم

صراحه الجامعه صايره مقرفه كله امتحانات

كمان اليوم تعرفت على مطربه جديده أسماء سليم قصدي تعرفت على أغانيها 

عجبني صوتها حيل

هي مطربه ليبيه و أغانيها حلوه

و أعتقد اللهجه الليبيه سهله قريبه من الخليجي

هذا رابط في مجموعه من أغانيها للي حاب يتعرف عليها

http://ar.hibamusic.com/Libye/asma-salim/asma-salim-1848.htm

و هالفتره هرمونات عشق أصاله زايده حبتين بحيث فاقت هرمونات حب شيرين

أنا واحد عشقي أصاله و شيرين بس هالفتره أصاله مكتسحه ساحة القلب

و خاصه أغاني ألبومها الجديد و الأغاني القديمه

و عاشق من ألبومها الى متى و شخص يهتم (فيس يغمز لتركواز) و شرهه و عتب 

و أغنية تعبت أرضيك اللي أحسه مظلومه في الالبوم

و شو بعد...

هذي كلمات تعبت أرضيك و أهديها لإنسان يتعبني كل ما يزعل

و هو يعرف انه كلمات هالأغنيه تحكي حالتي معاه 

تعبت أرضيك أرضيني .. ولا تبخل على مغليك

وحن شوي وحاكيني .. تراي إحساس انا وشاريك

طلبتك يا نظر عيني .. تناسى الظن والتشكيك

وإذا غيري حكى فيني .. ترا غيرك حكى لي فيك

خذاني الهم واسيني .. اعرف الصد ما يرضيك

وكون إنسان وإسقيني .. من أنهار الوفا وأسقيك

احبك لا لا تخليني .. سوالف ضاعت بماضيك

ولو تسأل شراييني .. تقول الله كم أغليك

الى اللقاء في الحلقه القادمه